Alesandro Bastoni po kalon një nga momentet më të vështira të karrierës së tij, pasi është përfshirë në hetimin e Prokurorisë së Milanos për çështjen e njohur si “rasti eskort”. Mbrojtësi i Interit ka mohuar çdo përfshirje në prostitucion me të mitura dhe synon të provojë pafajësinë e tij. Sot pritet që mbrojtësi intersit të merret në pyetje në lidhje me akuzat dhe dyshimet e ngrituar.
Pavarësisht situatës, Interi i ka qëndruar pranë lojtarit. Drejtuesit e klubit kanë kontaktuar Bastonin për t’i shprehur mbështetjen, duke bërë të qartë se nuk kanë ndërmend ta lënë vetëm dhe se hetimi nuk ndryshon qëndrimin e tyre ndaj tij. Edhe pse prej kohësh fl itet për interesimin e Real Madridit, deri tani nuk ka mbërritur asnjë ofertë zyrtare në Milano.
Qëndrimi i Interit mbetet i pandryshuar. Bastoni nuk është në shitje, por nëse në të ardhmen vjen një ofertë e rëndësishme nga jashtë, klubi dhe lojtari do ta shqyrtojnë së bashku. Për momentin, prioriteti i mbrojtësit italian është të sqarojë pozicionin e tij përpara drejtësisë, ndërsa e ardhmja në merkato mbetet një çështje që mund të marrë zhvillime vetëm në javët në vijim.