Gjykata Themelore në Prizren u ka caktuar nga një muaj paraburgim dy të dyshuarve për përfshirje në vrasjen e imamit në Zlipotok të Dragashit.
Sipas kërkesës së Prokurorisë, ekziston dyshimi i bazuar se më , rreth orës , i pandehuri Beshir Hamzës ka privuar nga jeta tani të ndjerin Gazmend Tahirovci , pas një mosmarrëveshjeje të mëhershme që lidhej me shfrytëzimin e një prone, përkatësisht një livadhi.
Ndërkaq, i pandehuri I.H., babai i B.H., dyshohet se, edhe pse ka qenë në afërsi të vendit të ngjarjes dhe ka pasur mundësi të ofrojë ndihmë pa rrezikuar veten apo të tjerët, nuk ka ndërmarrë veprimet e nevojshme për t’i ofruar ndihmë viktimës, e cila ndodhej në rrezik të drejtpërdrejtë për jetën.
Në vendimin e Gjykatës Themelore në Prizren për caktimin e masës së paraburgimit thuhet se kjo masë është e nevojshme për të siguruar prezencën e të pandehurve dhe zhvillimin normal të procedurës penale pa pengesa.
Gjykata ka vlerësuar po ashtu se ekziston rreziku i ikjes, pasi i pandehuri është larguar nga vendi i ngjarjes, çka sipas saj tregon mundësinë e shmangies nga përgjegjësia penale nëse lihet në liri, andaj masa e paraburgimit në këtë fazë është vlerësuar si e domosdoshme.
Prokuroria kërkon paraburgim për dy të dyshuarit për vrasjen e imamit në Dragash Ekskluzive | Vrasje e rëndë në Dragash: 46-vjeçari theret për vdekje, i dyshuari në arrati Ekskluzive | Ky është i dyshuari për vrasjen në Dragash – Policia është në kërkim të tij Ekskluzive | Ky është 46-vjeçari që u vra me mjet të mprehtë në Dragash Arrestohet edhe babai i dorasit në Dragash, ja për çfarë akuzohet Shënim: Personat e përmendur në këtë artikull prezumohen të pafajshëm derisa fajësia e tyre të vërtetohet me vendim të formës së prerë nga gjykata.
Sinjali – aty ku e vërteta flet para lajmit!