Forcat ukrainase sulmuan rafinerinë kryesore të naftës në Ufa të Rusisë për herë të dytë brenda një jave, tha të mërkurën Presidenti Volodymyr Zelenskyy. Rafineria e Ufas është një nga prodhuesit më të mëdhenj të lubrifikantëve në Rusi dhe ndodhet më shumë se 1.000 kilometra larg Ukrainës, tha Zelenskyy në një postim në X.
“Ky është një përgjigje krejtësisht e drejtë ndaj gjithçkaje që Rusia po bën kundër nesh. Paqja është e nevojshme dhe kjo është pikërisht ajo që udhëheqja e Rusisë duhet ta kuptojë”, shkroi Zelenskyy. “Rusia duhet t’i japë fund luftës së saj. Dhe udhëheqja ruse ka çdo mundësi për ta bërë këtë.
Falënderoj çdo luftëtar ukrainas që siguron saktësinë tonë në rreze të gjatë veprimi.” Ukraina goditi gjithashtu një uzinë që prodhonte pjesë raketash në rajonin Penza të Rusisë në juglindje të Moskës, rreth 500 kilometra nga Ukraina, shtoi Zelenskyy. Zyrtarët rusë nuk i konfirmuan sulmet, të cilat nuk mund të verifikoheshin në mënyrë të pavarur.
Ministria ruse e Mbrojtjes raportoi se ka kapur 179 dronë ukrainas mbi 16 rajone ruse, Krimenë e aneksuar dhe ujërat e Azovit dhe Detit të Zi.