Federata e Futbollit e Holandës ka nisur tashmë kontaktet e para në kërkim të pasardhësit të trajnerit Ronald Koeman, i cili dha dorëheqjen pas eliminimit nga Kupa e Botës. Sipas raportimeve, një nga kandidatët kryesorë për të marrë drejtimin e “tulipanëve” është Arne Slot, shkruan IndeksOnline.
Trajneri holandez vlerësohet lart për punën e tij në nivel klubesh dhe shihet si një profil ideal për të udhëhequr kombëtaren në një cikël të ri. Arne Slot ka mbetur i papunë që nga largimi i tij te Liverpuli, derisa vetë ai nuk e ka fshehur dëshirën të drejtojë Kombëtaren e Holandës. ”Për çdo trajner holandez, nuk ka absolutisht asnjë nder më të madh se drejtimi i ekipit kombëtar.
Menaxhimi i ekipit kombëtar të Holandës është një ëndërr që e kam pasur për një kohë shumë të gjatë dhe, për të qenë plotësisht i sinqertë, është pikërisht mundësia që kam pritur me durim që kur u largova nga Anfieldi. Ne kemi një grup të jashtëzakonshëm talentesh në këtë vend dhe një bazë tifozësh që kërkon si pasion ashtu edhe futboll të bukur.
Nëse KNVB mendon se jam njeriu i duhur për të na udhëhequr në këtë epokë të re, do të isha jashtëzakonisht krenar të merrja përsipër sfidën dhe të ndihmoja në shkrimin e kapitullit të ardhshëm të futbollit holandez”, ka deklaruar Slot kur është pyetur për mundësinë për të drejtuar Hoalndën.