Aktorja e njohur Anne Hathaway është shfaqur në publik për herë të parë me barkun e rrumbullakosur, pak më shumë se një javë pasi njoftoi se është në pritje të fëmijës së saj të tretë me bashkëshortin Adam Shulman.
Më 30 qershor, ylli i filmit The Devil Wears Prada 2 u pa në lagjen Financial District të Nju Jorkut, duke tërhequr vëmendjen me një veshje të guximshme nga koleksioni pranverë 2026 i markës Ashlyn. Ajo kishte veshur një jumpsuit të gjatë në ngjyrë të kuqe qershie, të cilin duket se e kishte veshur në mënyrë të kundërt për të krijuar një dekolte më të hapur.
Veshja përfshinte detaje peplum në bel dhe fund të ngushtuar në kyçe. Hathaway e kompletoi paraqitjen me sandale të holla të kuqe nga Aquazzura, bizhuteri të arta nga Bvlgari, syze dielli dhe një çantë të vogël në formë zemre. Ajo kishte gjithashtu manikyr dhe pedikyr në nuanca të kuqe, duke krijuar një stil tërësisht monokromatik.
Anne Hathaway Lajmi për shtatzëninë e saj të tretë u bë publik më 19 qershor përmes një postimi në Instagram, i cili mori mbi 21 milionë pëlqime. Në video, ajo shihet duke përqafuar barkun e saj të rrumbullakosur, e veshur me një set të bardhë të lirshëm, ndërsa shkroi: “x Baby, I’m yours x”.
Aktorja dhe Shulman janë të martuar që nga viti 2012 dhe tashmë janë prindër të dy djemve, Jack dhe Jonathan. Anne Hathaway