Vala e të nxehtit po vazhdon të përfshijë një pjesë të madhe të Evropës, me temperatura që në disa zona pritet të arrijnë deri në 38 gradë Celsius. Autoritetet në disa shtete kanë lëshuar paralajmërime për rrezik të lartë nga temperaturat ekstreme dhe u kanë bërë thirrje qytetarëve të shmangin ekspozimin në diell gjatë orëve më të nxehta të ditës.
Përveç vapës, disa vende po përballen edhe me pasoja të tjera të motit ekstrem. Në Itali janë raportuar stuhi të fuqishme dhe përmbytje lokale pas ditëve me temperatura shumë të larta, ndërsa në disa pjesë të Evropës Lindore janë shtuar shqetësimet për zjarret në pyje dhe presionin mbi rrjetet energjetike.
Meteorologët paralajmërojnë se moti i paqëndrueshëm mund të vazhdojë edhe gjatë ditëve në vijim, me kontraste të forta mes vapës ekstreme dhe stuhive intensive në rajone të ndryshme të kontinentit. Sinjali – aty ku e vërteta flet para lajmit!