Ish-sekretari i përgjithshëm i NATO-s, Jens Stoltenberg, ka bërë thirrje për më shumë unitet dhe bashkëpunim mes vendeve anëtare përpara samitit të aleancës që do të mbahet më 7 dhe 8 korrik në Ankara.
Në një intervistë për gazetën gjermane Die Welt, Stoltenberg tha se, pavarësisht dallimeve të vazhdueshme mes Shteteve të Bashkuara dhe partnerëve evropianë në çështje si tregtia, klima dhe siguria, NATO mbetet thelbësore për stabilitetin transatlantik.
Ai theksoi se një NATO e fortë është në interes të sigurisë kombëtare të SHBA-së, duke shtuar se Uashingtoni vazhdon të mbështetet te aleatët evropianë për përballimin e sfidave globale.
Deklaratat e Stoltenberg vijnë në një kohë kur presidenti amerikan Donald Trump ka përsëritur kritikat ndaj disa vendeve evropiane për nivelin e shpenzimeve në mbrojtje, duke rritur debatet mbi të ardhmen e bashkëpunimit brenda aleancës. Sinjali – aty ku e vërteta flet para lajmit!