Gjithsej 27 klube kanë paraqitur aplikim për pjesëmarrje në EHF Champions League

Gjithsej 27 klube kanë paraqitur aplikim për pjesëmarrje në EHF Champions League për meshkuj për sezonin 2026/27 në hendboll. Nga skuadrat e regjistruara, 21 vijnë nga vende që kanë një vend të garantuar në këtë garë. Këto federata renditen nga vendi i parë deri në të dhjetin bazuar në rezultatet e sezoneve 2022/23, 2023/24 dhe 2024/25: Gjermania, Spanja, Franca, Danimarka, Polonia, Hungaria, Rumania, Portugalia, Kroacia dhe Norvegjia. Skuadrat e regjistruara janë ndarë në tri kategori, me shtimin e klubit gjerman MT Melsungen, i cili siguroi pjesëmarrjen falë triumfit në EHF European League 2025/26. Kampionët e dhjetë shteteve me vend të garantuar në Champions League e kanë të sigurt pjesëmarrjen në garë. Dhjetë skuadra të tjera nga shtatë prej këtyre dhjetë vendeve kanë paraqitur kërkesa për promovim nga EHF European League. Secila prej këtyre federatave kishte të drejtën të kërkonte deri në dy vende shtesë. Gjashtë skuadrat e mbetura që kanë aplikuar për promovim vijnë nga vende që nuk kanë vend të garantuar në Champions League. Duke filluar nga sezoni 2026/27, sistemi i garës për meshkuj do të zgjerohet në 24 skuadra, të ndara në gjashtë grupe me nga katër ekipe. Numri maksimal i skuadrave nga një federatë është tre. Gjithashtu, për të gjitha klubet do të jetë e detyrueshme përmbushja e kritereve minimale për pjesëmarrje. Të gjitha kërkesat për promovim do të shqyrtohen nga një grup vlerësues i përbërë nga EHF, EHF Marketing dhe një përfaqësues i Forum Club Handball. Vendimi përfundimtar do të miratohet nga Komiteti Ekzekutiv i EHF-së. Vendimi do të shpallet të hënën, më 22 qershor, disa ditë para shortit të fazës së grupeve të EHF Champions League 2026/27, i cili do të mbahet më 26 qershor në Vjenë. Skuadrat e regjistruara për EHF Champions League Men 2026/27 Skuadrat nga vendet me vend të garantuar në EHF Champions League: Kroaci – HC Zagreb Danimarkë – Aalborg Håndbold Spanjë – Barcelona Francë – Paris Saint-Germain Gjermani – SC Magdeburg Hungari – One Veszprém HC Norvegji – Kolstad Handball Poloni – Industria Kielce Portugali – Sporting Clube de Portugal Rumani – CS Dinamo Bucuresti Fituesi i EHF European League 2025/26: Gjermani – MT Melsungen Kërkesa për promovim nga skuadrat e vendeve me vend të garantuar: Danimarkë – SAH Aarhus Danimarkë – GOG Francë – HBC Nantes Francë – Montpellier Handball Gjermani – Füchse Berlin Hungari – OTP Bank – PICK Szeged Hungari – MOL Tatabánya KC Norvegji – Elverum Håndball Poloni – Orlen Wisla Plock Portugali – FC Porto Kërkesa nga skuadrat e vendeve pa vend të garantuar: Islandë – Valur Maqedonia e Veriut – HC Vardar 1961 Slloveni – RK Celje Pivovarna Lashko Serbi – Partizan AdmiralBet Zvicër – HC Kriens-Luzern Suedi – IFK Kristianstad