Një ekip studiuesish nga Universiteti Mjekësor i Graz-it, Austri, ka publikuar një rishikim shkencor, mbi rolin e molekulës NAD+ në plakje dhe potencialin e saj terapeutik, sipas “Science”.
Autorët e studimit janë Subhash Khatri, Mahmoud Abdellatif dhe Simon Sedej, të cilët punojnë në departamente kërkimore të lidhura me kardiologjinë, metabolizmin dhe biologjinë e plakjes, në Graz, Austri, dhe institucione partnere në Evropë.
Në studimin e botuar në revistën “Geromedicine”, shkencëtarët analizojnë provat klinike ekzistuese mbi NAD+, një molekulë thelbësore për metabolizmin qelizor, e cila lidhet me prodhimin e energjisë, riparimin e ADN-së dhe funksionin mitokondrial. Produktet kundër plakjes mbeten të paprovuara, pasi ende nuk ka prova të qarta që ato ngadalësojnë plakjen te njeriu.
Produktet “anti-aging” tingëllojnë futuriste, por shkenca ende po i arrin këto pretendime. Disa nga produktet më të njohura pretendojnë se rrisin NAD+, një molekulë e përfshirë në metabolizmin e energjisë, riparimin e ADN-së, inflamacionin dhe përgjigjet qelizore ndaj stresit. Nivelet e NAD+ mund të ulen me moshën, prandaj përbërës si NMN dhe NR tregtohen si produkte “për jetëgjatësi”.
Ekziston një bazë biologjike për këtë ide. Studimet te njerëzit tregojnë se disa pararendës të NAD+ mund të rrisin NAD+ ose tregues biologjik lidhura me të në gjak. Por rritja e një molekule, nuk është e njëjtë me provimin e një jete më të gjatë, mendimit më të kthjellët, muskujve më të fortë apo ngadalësimit të plakjes.
Shumica e studimeve te njerëzit janë ende afatshkurtra dhe të fokusuara në biomarkues, jo në rezultate që njerëzit mund t’i ndiejnë realisht. Resveratroli (një përbërës natyral bimor që gjendet në disa ushqime dhe bimë, dhe i përket grupit të polifenoleve – antioksidantë), ka një problem të ngjashëm.
Ai duket premtues në qeliza dhe te kafshët, por provat te njerëzit për përfitime kundër plakjes, nuk janë të njëjta në të gjitha studimet. Për momentin, provat më të forta për plakje të shëndetshme, vazhdojnë të udhëzojnë drejt ushtrimeve fizike, gjumit, ushqimit të mirë, mosduhanpirjes, kufizimit të alkoolit dhe menaxhimit të rreziqeve shëndetësore afatgjata.