Legjenda e futbollit shqiptar, Kujtim Shala, ka shprehur vlerësimin e tij të madh për gazetën kombëtare “Bota sot”, duke e cilësuar atë si një nga mbështetëset më të rëndësishme të sportit shqiptar ndër vite.
Ish-futbollisti i gjeneratës së artë të Prishtinës, që gjatë karrierës së tij luajti edhe për Dinamon e Zagrebit, Partizanin e Beogradit, Lirinë Prizren it, dhe klube të njohura elite në Francë e Gjermani, ka uruar gazetën me rastin e 31-vjetorit të themelimit. \Shala, i cili mbetet futbollisti i parë shqiptar që veshi fanellën e kombëtares së Kroacisë në ndeshjen ndaj SHBA-së më , tha se “Bota sot” ka qenë gjithmonë pranë sportistëve shqiptarë dhe ka pasqyruar me profesionalizëm ngjarjet më të rëndësishme sportive.
“Uroj 31-vjetorin e gazetës kombëtare ‘Bota sot’. Që nga themelimi e deri më sot, ajo ka qenë dhe mbetet zëri i fuqishëm i sportistëve shqiptarë kudo që jetojnë e veprojnë. Me përkushtim ka pasqyruar historinë e sportit dhe aktivitetet aktuale, duke ruajtur në kujtesë sukseset e gjeneratave të arta dhe duke promovuar vlerat e sportit në përgjithësi” , është shprehur Shala.
Sot, përveç kontributit të tij të madh si futbollist dhe trajner, Kujtim Shala vazhdon të jetë i angazhuar në futboll si skaut dhe agjent i talenteve për gjigantin kroat Dinamo e Zagrebit, duke ndihmuar në zbulimin dhe zhvillimin e futbollistëve të rinj.
Mesazhi i tij për “Bota sot” përbën një vlerësim të veçantë nga një prej figurave më të respektuara të futbollit shqiptar, i cili ka lënë gjurmë të pashlyeshme si në futbollin e Kosovës po ashtu edhe në atë ndërkombëtar.