Rodri është gjithnjë e më pranë paraqitjes së tij të parë me fanellën e Barcelonës, pasi ka zhvilluar të plotë seancën stërvitore me skuadrën para përballjes ndaj Athletic Bilbaos. Ndeshja e 27 gushtit në “Spotify Camp Nou” pritet të jetë momenti kur mesfushori të bëjë debutimin zyrtar me katalanasit në La Liga.
Sipas gazetës spanjolle “Mundo Deportivo”, skuadra e Hansi Flickut zhvilloi seancën e dytë stërvitore të javës në fushën “Tito Vilanova”, pas fitores së thellë ndaj Elches. Rodri përfundoi të gjithë stërvitjen me pjesën tjetër të skuadrës, ashtu siç kishte bërë edhe të hënën.
Ndryshe nga seanca rikuperuese pas ndeshjes ndaj Elches, këtë herë të gjithë lojtarët zhvilluan punë të plotë në fushë, duke i dhënë kampionit të botës mundësinë të stërvitet për herë të parë në të njëjtin ritëm me të gjithë bashkëlojtarët. Kjo ka rritur ndjeshëm mundësitë që Flick ta përfshijë në planet e tij për ndeshjen ndaj Athletic Bilbaos.
I vetmi futbollist i ekipit të parë që nuk u stërvit me grupin ishte Frenkie de Jong. Holandezi doli në fushë për të zhvilluar ushtrime individuale dhe për të testuar gjendjen fizike, ndërsa vazhdon procesin e rikuperimit nga dëmtimi.
Në stërvitje morën pjesë edhe disa lojtarë të Barcelona Atlètic dhe akademisë, përfshirë Hamza Abdelkarim, Álvaro Cortés, Xavi Espart, Brian Fariñas dhe Eder Aller. Të gjitha sinjalet sugjerojnë se Rodri po i afrohet debutimit zyrtar. Barcelona do të përballet me Athletic Bilbaon më 27 gusht, në ndeshjen e parë të kampionatit që skuadra do ta zhvillojë këtë sezon në “Spotify Camp Nou”.
Nëse Flick vendos ta aktivizojë, kjo do të jetë paraqitja e parë e Rodrit me fanellën blaugrana dhe një nga momentet më të pritura nga tifozët pas transferimit të tij. Barcelona do t’i rikthehet stërvitjes të mërkurën në orën , ndërsa Hansi Flick do të paraqitet para mediave në orën .
Konferenca për shtyp mund të japë sinjale më të qarta nëse Rodri është gati për debutim dhe çfarë roli mund të ketë ndaj Athletic Bilbaos. Pas fitores bindëse ndaj Elches, Barça tani përgatitet për rikthimin në “Camp Nou”, ndërsa të gjitha sytë do të jenë te Rodri dhe mundësia që përforcimi i madh veror të bëjë më në fund debutimin.