Bruno Fernandes është shpallur Lojtari i Vitit nga Shoqata e Futbollistëve Profesionistë (PFA) për sezonin 2025/26, duke kurorëzuar një sezon të jashtëzakonshëm me fanellën e Manchester United. Çmimi iu dorëzua portugezit të martën mbrëma, gjatë ceremonisë së 53-të vjetore të PFA-së në Manchester. Fituesi përcaktohet përmes votave të vetë futbollistëve.
Fernandes mposhti pesë rivalë për çmimin: Erling Haaland dhe Rayan Cherki nga Manchester City, si dhe Gabriel Magalhães, David Raya dhe Declan Rice nga Arsenali. Kapiteni i Manchester United zhvilloi një sezon të jashtëzakonshëm, duke dhënë 21 asistime në Premier League dhe duke vendosur rekord të ri në këtë kategori.
Ai shënoi gjithashtu nëntë gola, ndërsa Manchester United e përfundoi sezonin në vendin e tretë. Ky është çmimi i tretë i madh individual për Fernandes gjatë këtij sezoni. Ai më herët ishte shpallur edhe Lojtari i Sezonit në Premier League dhe kishte fituar çmimin e Shoqatës së Shkrimtarëve të Futbollit (FWA).
Kështu, Fernandes ka kompletuar një tripletë të çmimeve kryesore individuale në futbollin anglez, duke e mbyllur sezonin 2025/26 me një nga vlerësimet më të mëdha të mundshme nga kolegët e tij. Sinjali – aty ku e vërteta flet para lajmit!