Mbi 4 milionë automjete elektrike në Kinë, përfshirë rreth 2.98 milionë Tesla të prodhuara në vend, do të tërhiqen për shkak të problemeve me dorezat e fshehura të dyerve. Në raste aksidentesh dhe ndërprerjeje të energjisë, dorezat mund të jenë të vështira për t’u përdorur, duke rrezikuar daljen e pasagjerëve dhe ndërhyrjen e ekipeve të shpëtimit.
Në mesin e markave të prekura janë Tesla, Xiaomi, XPeng dhe Geely. Automjetet do të pajisen me etiketa paralajmëruese dhe një përditësim softuerik që ul automatikisht xhamat pas një përplasjeje. Nga 1 janari 2027, Kina do të kërkojë që automjetet e reja të kenë mekanizma mekanikë për hapjen e dyerve nga brenda dhe jashtë.
Burimi:
Telegrafi