Për vite me radhë, Al Capone dukej i paprekshëm. Ai kishte ndërtuar një perandori kriminale në Çikago, kishte njerëz, para dhe ndikim, ndërsa autoritetet amerikane e kishin të vështirë ta godisnin drejtpërdrejt. Emri i tij lidhej me lojërat e fatit, kontrabandën e alkoolit, ryshfetin, prostitucionin dhe përplasjet e përgjakshme mes bandave.
Por një prej gangsterëve më të famshëm të shekullit XX kishte një dobësi. Paratë. Dhe pikërisht aty nisën ta godisnin autoritetet. Dosja e publikuar në arkivin e FBI-së tregon se hetuesit federalë dhe agjenci të tjera mblodhën prova kundër Capones, ndërsa Departamenti amerikan i Thesarit ndërtoi çështjen për evazion fiskal .
Në atë kohë, shumë prej aktiviteteve kriminale për të cilat dyshohej Capone nuk binin drejtpërdrejt nën juridiksionin federal të Byrosë së Hetimeve. FBI nisi ta godiste aty ku nuk pritej Një prej hapave të parë ishte një rast që dukej shumë më i vogël se perandoria kriminale e Capones. Në vitin 1929, Capone duhej të paraqitej para një jurie federale në Çikago.
Ai pretendoi se ishte i sëmurë dhe nuk mund të udhëtonte. Por agjentët morën informacione që tregonin një histori krejt tjetër. Sipas FBI-së, ndërsa pretendohej se ishte i shtrirë nga pneumonia, Capone ishte parë në hipodrom, kishte udhëtuar me avion drejt Biminisë dhe kishte bërë një udhëtim drejt Nassau-t.
Hetuesit arritën në përfundimin se gjendja e tij shëndetësore nuk e pengonte aspak të lëvizte. Kjo çoi në arrestimin e tij për përbuzje të gjykatës . Ishte vetëm fillimi. Milionat që e fundosën Ndërkohë, hetuesit e Thesarit po ndiqnin një gjurmë edhe më të rëndësishme: të ardhurat e Capones . Në vitin 1931, ai u përball me akuza për evazion fiskal dhe shkelje të ligjeve të Prohibicionit.
Dosjet e FBI-së dokumentojnë se kundër tij ishte mbledhur një sasi e madhe provash. Capone fillimisht u deklarua fajtor dhe u përpoq të bindte opinionin se kishte arritur një marrëveshje për një dënim relativisht të lehtë. Por gjyqtari James H. Wilkerson nuk e pranoi këtë si të mirëqenë. Capone ndryshoi deklarimin dhe çështja shkoi në gjyq.
“Scarface” përfundon pas hekurave Më , Al Capone u dënua me 11 vjet burg federal për evazion fiskal. Përveç burgimit, ai u gjobit me 50 mijë dollarë , ndërsa iu kërkua të paguante edhe detyrime të prapambetura tatimore dhe shpenzime gjyqësore. Sipas FBI-së, shuma e taksave të papaguara ishte mbi 215 mijë dollarë , plus interesat.
Njeriu që për vite kishte sfiduar autoritetet tani po hynte në burgun federal. Më vonë ai u dërgua edhe në Alkatraz , ku gjendja e tij shëndetësore filloi të përkeqësohej ndjeshëm. Nga mbreti i Çikagos në një njeri të rrënuar Capone u lirua në vitin 1939, pasi kishte vuajtur më shumë se shtatë vjet burg. Por ai nuk ishte më njeriu që kishte sunduar botën kriminale të Çikagos.
Sipas FBI-së, pas lirimit ai nuk u kthye më publikisht në Çikago dhe nuk ishte më në gjendje të rikthehej në politikën kriminale të qytetit. Ai vdiq në Florida në vitin 1947. Historia e Al Capones mbetet një prej shembujve më të famshëm të mënyrës se si një figurë kriminale që dukej e paprekshme mund të rrëzohej duke ndjekur një tjetër rrugë. Nuk ishte një plumb që e rrëzoi “Scarface”.
Nuk ishte as një betejë mes bandave. Ishte gjurma e parave . Dhe pikërisht aty, FBI dhe autoritetet federale gjetën “thembren e Akilit” të mafiozit me nam botëror. Sinjali – aty ku e vërteta flet para lajmit!