Viktima e një sulmi vdekjeprurës me shpatë në një shkollë të mesme në Suedinë qendrore ishte një vajzë 17-vjeçare, ka konfirmuar policia. Dy djem të moshës 12 dhe 17 vjeç u plagosën gjithashtu rëndë në sulmin në Shkollën Brinell në Fagersta të premten pasdite, sipas autoriteteve lokale, ndërsa një person i tretë pësoi lëndime të lehta.
Një 18-vjeçar, emri i të cilit nuk është bërë i ditur, u arrestua dhe policia tha se po e trajtonte rastin si vrasje dhe tentativë vrasjeje. Kryeministri suedez Ulf Kristersson dhe udhëheqësja e opozitës Magdalena Andersson vizituan shkollën, ku janë vendosur lule në nder të viktimave, të shtunën në mëngjes.
Nxënësit në shkollë sapo ishin kthyer në klasë pas pushimeve verore kur ndodhi sulmi vdekjeprurës të premten pasdite. Policia më vonë konfirmoi se qëlloi pasi u thirr në vendngjarje, por nuk tha nëse sulmuesi i dyshuar u godit para se të ndalohej. Transmetuesi publik i Suedisë raportoi se i dyshuari mbante një helmetë. Mediat lokale thanë gjithashtu se ai ishte një ish-nxënës.
Rajoni hyri në gjendje të jashtëzakonshme të premten, por ajo kishte mbaruar të shtunën. Shkolla ka pak më pak se 500 nxënës në listën e saj, sipas SVT, dhe ndodhet 170 km në veriperëndim të kryeqytetit, Stokholm. Hetuesit kanë kryer tashmë dy kontrolle shtëpish në lidhje me të dyshuarin, tha policia.
Të premten, kryeministri i Suedisë Ulf Kristersson e përshkroi sulmin si një “incident serioz” dhe tha “nuk e dimë se çfarë fshihet pas aktit, por e dimë që policia po punon shumë intensivisht”, në një postim në X. Mbreti i Suedisë, Carl XVI Gustaf tha se e priti lajmin “me hidhërim dhe trishtim”.