Gruaja e Cristiano Ronaldo, Georgina Rodriguez, thuhet se ka ndërmarrë një hap të rëndësishëm në familjen e tyre, duke adoptuar tre fëmijët më të mëdhenj të futbollistit, vetëm një javë pasi çifti u martua në një ceremoni intime në Portugali. Sipas mediave portugeze, Georgina është tashmë kujdestare ligjore e Cristiano Ronaldo Jr., 16 vjeç, si dhe e binjakëve Eva María dhe Mateo, 9 vjeç.
Procesi dyshohet se është kryer në mënyrë private, ndërsa detajet e dokumentacionit nuk janë bërë publike, shkruan DailyMail. Ronaldo ka kujdestarinë e plotë të tre fëmijëve të tij më të mëdhenj. Nëna biologjike e Cristiano Jr. nuk është bërë publike, ndërsa Eva dhe Mateo kanë lindur përmes një nëne surrogate.
Georgina dhe Ronaldo kanë edhe dy vajza së bashku, Alana Martina, e lindur në vitin 2017, dhe Bella Esmeralda, e lindur në vitin 2022. Që prej lidhjes së saj me Ronaldon, Georgina ka pasur një marrëdhënie të ngushtë me të gjithë fëmijët dhe i ka trajtuar ata si të sajët.
Marrëdhënia e saj me Cristiano Jr. është përmendur edhe së fundmi, pasi Georgina e quajti atë “djali im” në një postim në Instagram. Çifti u martua në fillim të këtij muaji, pas dhjetë vitesh lidhje, në një ceremoni private të zhvilluar në shtëpinë e tyre në Portugali.
Megjithatë, sipas raportimeve, Ronaldo dhe Georgina mund të organizojnë në të ardhmen edhe një festë më të madhe me familjarët dhe miqtë.