Këshilli i Sigurimit të Kombeve të Bashkuara ka mbajtur sot, më , raundin e dytë të votimit joformal (straw poll) për zgjedhjen e pasardhësit të António Guterres. Mandati i sekretarit aktual portugez përfundon më dhe mandatari i ri duhet të nisë detyrën më . Votimi është i fshehtë dhe jo detyrues, por shërben për të matur mbështetjen e 15 anëtarëve të Këshillit ndaj kandidatëve.
Tetë kandidatë janë aktualisht në garë: • Carolyn Rodrigues-Birkett (Guajana), ambasadore e përhershme e vendit në OKB dhe ish-ministre e Punëve të Jashtme. • Rebeca Grynspan (Kosta Rika), sekretare e përgjithshme e UNCTAD dhe ish-zëvendëspresidente. • Rafael Grossi (Argjentinë), drejtor i përgjithshëm i Agjencisë Ndërkombëtare për Energjinë Atomike (IAEA). • Macky Sall (Senegal), ish-president i Senegalit. • Olara Otunnu (Uganda), ish-nënsekretar i përgjithshëm i OKB-së. • María Fernanda Espinosa (Ekuador), ish-presidente e Asamblesë së Përgjithshme dhe ish-ministre e Jashtme. • Michelle Bachelet (Kili), ish-presidente e Kilit dhe ish-komisionere e lartë e OKB-së për të Drejtat e Njeriut. • Ivonne A-Baki (Ekuador), diplomate dhe ish-ambasadore, nominuar së fundmi nga Tonga.
Sipas rezultateve të qarkulluara nga burime diplomatike nga OKB-ja, në raundin e dytë kryeson Carolyn Rodrigues-Birkett me 8 vota “encourage” (inkurajuese), 3 “discourage” (dekurajuese) dhe 4 “no opinion”. Rebeca Grynspan dhe Rafael Grossi kanë secili 7 vota “encourage”.
Macky Sall ka 6, Olara Otunnu 5, María Fernanda Espinosa 4, Michelle Bachelet 2, ndërsa Ivonne A-Baki ka 0 vota inkurajuese. Në raundin e parë, më 30 korrik, Grynspan kishte udhëhequr me 10 vota “encourage”, e ndjekur nga Rodrigues-Birkett me 9 dhe Grossi me 7. Tani situata ka ndryshuar lehtësisht, duke e vendosur ambasadoren e Guajanës në krye.
Për t’u rekomanduar nga Këshilli i Sigurimit, një kandidat duhet të sigurojë të paktën 9 vota pozitive dhe të shmangë veton e ndonjërit prej pesë anëtarëve të përhershëm (SHBA, Britania e Madhe, Franca, Rusia dhe Kina). Vetëm pas kësaj, Asambleja e Përgjithshme e miraton formalisht emërimin.
Një burim diplomatik nga margjinat e OKB-së në New York na tha se tradita e rotacionit gjeografik favorizon fort një kandidat nga grupi i Amerikës Latine dhe Karaibeve.
“Gjithashtu, tha ai, ekziston presion i fortë që OKB-ja të ketë për herë të parë një grua në krye.” Dhe ajo mundet të jetë Rodrigues-Birkett ose Grynspan, ndërsa Grossi mbetet aktualisht një nga pretendentët më të fortë, por procesi mbetet i hapur, tha i njëjti burim. Raundet e ardhshme do të vazhdojnë derisa Këshilli të arrijë konsensus.
Organizata e Kombeve të Bashkuara aktualisht përballet me sfida të mëdha, konflikte, ndarje gjeopolitike dhe nevojë për reforma. Prandaj, zgjedhja e udhëheqësit të ri shihet si vendimtare nga qarqet diplomatike në New York.