Trajneri i Arsenalit, Mikel Arteta, komentoi në një konferencë për shtyp mbi fitoren 3-0 kundër Koventri Siti në ndeshjen hapëse të Premier Ligës. “Pati shumë gjëra pozitive. Sigurisht, ishte një rezultat i shkëlqyer, por mënyra se si e nisëm ndeshjen, dominimi, qartësia, mirëkuptimi dhe rritja gjatë gjithë ndeshjes ishte vërtet mbresëlënëse.
Ishte fantastike sepse fillimi është gjithmonë i vështirë, ne ishim kundër një skuadre që kishte shumë kohë për t’u përgatitur dhe është vërtet e mirë në atë që bën. Por përsëri, isha vërtet i impresionuar nga rezultati. Qëllimi kryesor duhet të jetë përmirësimi i lojtarëve tanë dhe i të kuptuarit të tyre, sepse ata janë tashmë shumë të mirë. Më duken tamam njësoj!
Nuk e di çfarë po ndodh brenda secilit lojtar, por ajo që kam ngulitur është një dëshirë dhe energji më e madhe për t’u përmirësuar, për të qenë më i mirë dhe për të fituar të drejtën për të qenë më i mirë se kushdo tjetër. Kjo është ajo që duam të bëjmë” , deklaroi ai