Kryeministri Albin Kurti në një postim të tij në Facebook ka shprehur keqardhje për rastin që ndodhi në një hotel në Vlorë, ku si shkak i zjarrit kanë mbetur të lënduar katër shtetas të Kosovës. Kurti thotë se është në komunikim të vazhdueshem me autoritetet në Shqipëri.
Postimi i plotë: Sot, në orët e hershme të mëngjesit, një zjarr përfshiu një hotel në Vlorë, ku si pasojë u lënduan katër shtetas të Republikës së Kosovës, tre prej të cilëve po marrin trajtim spitalor në Tiranë dhe një në Vlorë. Jemi të tronditur nga lajmi dhe po e monitorojmë nga afër gjendjen e qytetarëve tanë, duke qenë në komunikim të vazhdueshëm me autoritetet përkatëse në Shqipëri.
Të lënduarve u dëshiroj shërim të shpejtë dhe të plotë.
Burimi:
Bota Sot