Administrata e presidentit Donald Trump planifikon të shpenzojë të paktën 927 milionë dollarë për projekte ndërtimi dhe modernizimi në kompleksin e Shtëpisë së Bardhë, pjesa më e madhe e të cilave pritet të financohet nga taksapaguesit, raportojnë mediat amerikane.
Sipas The Washington Post, administrata ka siguruar fonde përmes transfertave nga agjenci federale dhe donacioneve private, pa kërkuar financim të drejtpërdrejtë nga Kongresi. Deri tani, rreth 875 milionë dollarë janë drejtuar në fondin për mirëmbajtjen dhe restaurimin e Rezidencës Ekzekutive.
Projektet përfshijnë ndërtimin e një salle të madhe pritjesh në East Wing, përmirësime në Lafayette Square, një pistë helikopterësh, një qendër të re për kontrollin e vizitorëve dhe ndërhyrje të tjera infrastrukturore. Plani është përballur me kundërshtime ligjore. Një gjykatë federale apeli ka vendosur se për ndërtimin e sallës në East Wing nevojitet miratimi i Kongresit.
Trump ka deklaruar se do ta apelojë vendimin. Shtëpia e Bardhë nuk ka bërë publike koston totale të projekteve apo burimin e pjesës më të madhe të financimit. Administrata i ka cilësuar ndërhyrjet si modernizime të nevojshme për ruajtjen dhe përmirësimin e kompleksit.