Meghan Markle ka zbuluar një nga pasionet e veçanta të bashkëshortit të saj, Princit Harry, teksa çifti mori pjesë në një gala në Kanada. Dukesha e Sussex, 45 vjeçe, dhe Princi Harry, 41 vjeç, morën pjesë të premten në një event gala të organizuar për të shënuar 40-vjetorin e fondacionit të producentit dhe mikut të tyre, David Foster.
Në një video të publikuar në Instagram, çifti shihet duke kaluar nëpër një korridor të rrethuar nga gajdexhinj. Teksa dëgjonte muzikën, Meghan iu drejtua muzikantëve me një koment për bashkëshortin e saj. “Burri im i adhuron gajdet!”, u tha ajo, përpara se të shtonte e entuziazmuar: “O Zot, kjo është e mrekullueshme”.
Harry u përfshi gjithashtu në bisedën me muzikantët, duke bërë shaka dhe duke pyetur: “Ku janë të mitë?” Ai pretendoi me humor se mund të luante si në “fyell”, ashtu edhe në bateri. Për mbrëmjen, Meghan kishte zgjedhur një fustan të zi maxi me një shpatull, të dizajnuar nga stilistja kanadeze Greta Constantine.
Ajo e kompletoi pamjen elegante me një palë vathë me diamant dhe safir, të cilët i përkisnin më parë Princeshës Diana. Gala u zhvillua në Victoria, British Columbia, qyteti i lindjes së David Foster, dhe mblodhi miq e të ftuar për të festuar 40-vjetorin e fondacionit të tij.