Andoni Iraola e ka nisur me humbje aventurën e tij si trajner i Liverpoolit në “Anfield”, pasi të kuqtë u mposhtën 3:2 nga Monaco në një ndeshje miqësore parasezonale. Liverpooli pati një nisje fantastike dhe kaloi në epërsi të dyfishtë brenda 30 minutave. Alexander Isak shënoi për 1:0, ndërsa Florian Wirtz realizoi golin e dytë pas një aksioni të mirë të vendasve.
Monaco reagoi para përfundimit të pjesës së parë, kur Aleksandr Golovin shënoi nga penalltia pas një ndërhyrjeje të Virgil van Dijk. Francezët barazuan në minutën e 55-të me Mika Biereth, i cili shfrytëzoi topin e kthyer pas pritjes së Giorgi Mamardashvilit. Kur ndeshja po shkonte drejt fundit, Paris Brunner shënoi në minutën e 88-të, duke i dhënë Monacos fitoren 3:2.
Në këtë takim u paraqitën për herë të parë këtë parasezon Alisson Becker, Cody Gakpo dhe Virgil van Dijk, ndërsa Victor Muñoz debutoi dhe Wataru Endo u rikthye pas lëndimit. Liverpooli do t’i zhvillojë ndeshjet e fundit përgatitore javën e ardhshme, me dy përballje ndaj Como 1907.