Victoria Beckham, 52 vjeçe, dhe Kim Turnbull, 25 vjeçe, tërhoqën vëmendjen me paraqitjet e tyre verore teksa po shijonin pushimet në bordin e jahtit luksoz të familjes Beckham në jug të Francës. Të dyja u shfaqën me bikini të zeza, ndërsa David Beckham, 51 vjeç, zgjodhi të qëndronte pa bluzë dhe të shijonte rrezet e diellit.
Victoria u fotografua e relaksuar në jaht me një palë bikini të zeza nga Agent Provocateur, ndërsa Kim, e dashura e djalit të saj Romeo Beckham, zgjodhi një kombinim të ngjashëm, shkruan DailyMail. Dyshja e plotësoi pamjen me veshje të lehta verore, duke shijuar atmosferën luksoze në bordin e jahtit 45 metra të gjatë, Seven, me vlerë rreth 16 milionë funte.
Edhe David u shfaq në kuvertë pa bluzë, duke ekspozuar tatuazhet e tij dhe duke marrë rreze dielli. Në udhëtimin familjar ishte edhe babai i Victoria-s, Tony Adams, 80 vjeç, ndërsa vajza e çiftit, Harper, po ashtu iu bashkua pushimeve. Djali i tyre Cruz mungoi, pasi ndodhet në turne në Amerikën e Veriut me grupin e tij muzikor.
Pushimet vijnë në një periudhë kur familja Beckham është përfshirë në vëmendjen e mediave për marrëdhënien e tensionuar me Brooklyn Beckham. David dhe Victoria thuhet se ishin shumë pranë tij dhe bashkëshortes së tij, Nicola Peltz, gjatë pushimeve të tyre në jug të Francës, por familjet nuk u takuan.
Brooklyn dhe Nicola ndodheshin në një zonë pranë Nicës, ndërsa Beckham-ët po lundronin në Mesdhe. Çifti kaloi gjithashtu kohë me Elton John në jahtin e tij, pavarësisht miqësisë shumëvjeçare të këngëtarit me David dhe Victoria. Situata mes familjarëve ka tërhequr vëmendje të madhe në rrjetet sociale, sidomos pas postimeve të fundit të Brooklyn-it.