Një aksident i rëndë ka ndodhur sot në mesditë në Prishtinë, ku si pasojë një person ka vdekur dhe një tjetër është lënduar. Rasti ka ndodhur në rrugën “Shkupi” në Prishtinë, ndërsa lajmin e ka konfirmuar për Telegrafin, zëdhënësi i Policisë për rajonin e Prishtinës, Enis Pllana.
“Sot rreth orës , Policia ka pranuar informatën se në rrugën Shkupi në Prishtinë ka ndodhur një a aksident trafiku me pasoja fatale. Në aksident kanë qenë të përfshira dy vetura. Si pasojë e lëndimeve të marra, një person ka ndërruar jetë, kurse një tjetër ka pësuar lëndime dhe ka pranuar tretman mjekësor”, tha Pllana.
Ai bëri të ditur se njësitet e Trafikut të Kryeqytetit, në koordinim me prokurorin e shtetit, janë duke ndërmarrë veprimet e nevojshme hetimore për sqarimin e rrethanave të këtij aksidenti.