Gigi Hadid dhe Bradley Cooper janë kthyer sërish në qendër të vëmendjes së showbizit ndërkombëtar, pasi mediat rozë po raportojnë se çifti mund të jetë martuar fshehurazi në New York City rreth një muaj më parë. Spekulimet shpërthyen pasi të dy u panë së fundmi duke mbajtur unaza të ngjashme në gisht, gjë që nxiti menjëherë zërat për një martesë sekrete.
Fotot e publikuara nga paparacët u përhapën me shpejtësi në rrjetet sociale, ku fansat filluan të aludojnë se marrëdhënia e tyre ka hyrë në një fazë të re. Gigi Hadid dhe Bradley Cooper Sipas raportimeve të mediave amerikane, ceremonia dyshohet të ketë qenë shumë private, me praninë e një rrethi të ngushtë familjarësh dhe miqsh.
Megjithatë, deri tani as Hadid dhe as Cooper nuk kanë konfirmuar zyrtarisht lajmin. Çifti lidhet romantikisht që nga viti 2023 dhe gjatë muajve të fundit janë parë shpesh bashkë në dalje publike, pushime dhe evente të ndryshme, duke dhënë përshtypjen e një lidhjeje serioze dhe të qëndrueshme.
Burime pranë çiftit pretendojnë se ata po kalojnë një periudhë shumë të lumtur dhe se familjet e tyre janë afruar dukshëm, por detajet për një martesë të mundshme mbeten ende të paqarta.
Derisa të ketë një reagim zyrtar nga vetë yjet, lajmi për “martesën sekrete” mbetet në kuadër të spekulimeve të showbizit, ndonëse unazat e përputhshme kanë mjaftuar për të ndezur imagjinatën e fansave në mbarë botën.