Këshilli Prokurorial i Kosovës në mbledhjen e 300, ka hapur konkursin për 34 prokurorë të rinj, 10 nga pozitat do të jenë të rezervuara për komunitetin Serb. KPK ka votuar me 7 vota për, që të shpallet konkursi për prokurorët e rinj. Konkursi do të jetë i hapur për 15 ditë duke filluar nga data .
Tutje në mbledhje të KPK-së është caktuar edhe komisioni i cili do të merret me organizimin, testimin dhe intervistimin e kandidatëve për pozitën e prokurorit.
Komisioni do të përbëhet nga pesë anëtarë dhe dy të tjerë që do të jenë rezervë, Kështu si kryesues i Komisionit është votuar që të jetë Arian Gashi, njëherësh kryesues i Këshillit Prokurorial të Kosovës, Elza Bajrami, Dardan Vuniqi (nga radhët e anëtarëve jo prokurorë), Bahri Hyseni anëtar nga radhët e zyrës së Kryeprokurorit të Shtetit dhe Valdrin Krasniqi, prokuror në Prokurorinë Themelore të Prishtinës.
Kurse si anëtarë rezervë, nga radhët e prokurorëve do të jetë, Milot Krasniqi – prokuror në Prokurorinë Speciale dhe Visar Krasniqi nga radhët e anëtarëve (jo prokuror). Tutje si pikë e rendit të ditës është miratuar edhe përbërja e komisionit për shqyrtimin e ankesave sa i përket aplikimit të kandidatëve për prokurorë.
Kryeprokurori i Shtetit, Zejnullah Gashi do të jetë në krye të komisionit për shqyrtimin e ankesave të kandidatëve për pozitën e prokurorit të shtetit, kurse si anëtarë do të jenë prokurori nga Prokuroria e Apelit, Shkelzen Ibrahimi dhe Lulzim Sylejmani nga Zyra e Kryeprokurorit të Shtetit.
Kurse si anëtarë rezerve të këtij komisioni do të jenë, anëtarja e KPK-së, Arlinda Muqaj dhe prokurori nga Prokuroria e Pejës, Ersan Qavolli. Kujtojmë që Këshilli Prokurorial i Kosovës (KPK) ka refuzuar kërkesën e ish-prokurorëve serbë dhe stafit të tyre mbështetës për t’u rikthyer në sistemin prokurorial të Kosovës. Vendimi është marrë në mbledhjen e mbajtur më .
Ish-prokurorët serbë kishin kërkuar që t’u mundësohej rikthimi në vendet e tyre të punës, pasi kishin dhënë dorëheqje në nëntor të vitit 2022, kur përfaqësuesit serbë u larguan nga institucionet e Kosovës në veri të vendit.