Të paktën 25 persona kanë humbur jetën dhe disa të tjerë janë plagosur pasi një autobus pasagjerësh u përmbys në një aksident të rëndë rrugor në Algjeri. Sipas autoriteteve lokale, autobusi ishte duke transportuar pasagjerë kur, për arsye që ende nuk janë bërë të ditura, humbi kontrollin dhe u përmbys.
Forcat e emergjencës mbërritën menjëherë në vendngjarje dhe nisën operacionin e kërkim-shpëtimit për nxjerrjen e viktimave dhe të të mbijetuarve nga automjeti i dëmtuar, shkruan reuters . Ekipet mjekësore kanë transportuar të plagosurit në spitalet më të afërta, ndërsa autoritetet kanë hapur një hetim për të përcaktuar shkaqet e aksidentit.
Deri tani nuk është bërë e ditur nëse shkaku ka qenë shpejtësia e lartë, një defekt teknik, gjendja e rrugës apo ndonjë faktor tjetër. Aksidentet rrugore janë një problem i vazhdueshëm në Algjeri, ku çdo vit regjistrohen mijëra përplasje me viktima. Ky aksident është një nga më të rëndët e regjistruar së fundmi në vend dhe ka shkaktuar tronditje të madhe te opinionit publik algjerian.
Autoritetet pritet të publikojnë detaje të tjera pasi të përfundojë hetimi fillestar mbi rrethanat e tragjedisë.