Një robot humanoid në Tajvan u rrëzua në skenë, ndërsa videoja e incidentit u bë virale në rrjete sociale. I mundësuar nga platforma e Al, Dragonwing IQ10 e Qualcomm, roboti humanoid po prezantohej në Computex 2026, një ekspozitë e madhe globale e teknologjisë. Në klipin tashmë viral, roboti humanoid mund të shihet duke ecur me kujdes nëpër skenë.
Ndërsa folësi filloi fjalimin, roboti u rrëzua papritur dhe me zhurmë përpara se të ngrinte grushtin, sikur të jepte sinjal se po ia dilte mbanë pavarësisht rënies. Kur roboti nuk arriti të ngrihej vetë, ekipi i tij i ndihmësve njerëzorë nxitoi shpejt në skenë dhe e mbuloi atë me një çarçaf të vogël sateni. Anëtarët e stafit më pas e transportuan me vështirësi nga skena.
Pas incidentit, Qualcomm lëshoi një deklaratë, duke theksuar se demonstrimet live përfshijnë rrezik dhe se ekipi do të përdorë të dhënat e vlefshme për të forcuar më tej sistemin.