Jongkuch Mach është bërë fenomeni i ri në botën e basketbollit. Me pamjen dhe talentin e tij të jashtëzakonshëm, 18 vjeçari po tërheq vëmendjen e skautëve më të mëdhenj në botë në kampin prestigjioz të basketbollit në Treviso të Italisë.
Në kampin e mbajtur së fundmi në Itali, ku talentët më të mëdhenj të botës mblidhen për të provuar veten para vëzhguesve të NBA-së dhe Euroligës, ai vodhi shfaqjen sapo zbriti në parket.
Mach është 229 centimetra i gjatë dhe është tashmë më i gjatë se të gjithë lojtarët aktivë në ligën më të fortë të basketbollit në botë (NBA), duke tejkaluar edhe gjigantë si Victor Ëembanyama dhe Zach Edey.
Ai ka ende shumë punë për të bërë në forcën e tij fizike dhe përshtatjen me basketbollin e të rriturve, por ekspertët bien dakord se, nëse ai shmang dëmtimet dhe vazhdon me këtë lloj progresi, JK Mach mund të bëhet së shpejti ylli i ri i madh i basketbollit botëror dhe një nga “perspektivat” më interesante në draftet e ardhshme të NBA-së.