Shpërndaje në: Kompania Rajonale e Ujësjellësit “Gjakova” ka njoftuar se si pasojë e reshjeve të shiut në zonën e furnizimit Hoçë e Madhe në Rahovec, është turbulluar uji. Kompania ka lutur konsumatorët e kësaj zone që të mos e përdorin ujin për pije deri në njoftimin e radhës.
“Pas monitorimit të zonave të furnizimit, veçanërisht atyre që furnizohen nga burimet natyrore, është konstatuar se në zonën e furnizimit Hoçë e Madhe, si pasojë e reshjeve të dendura të shiut, është paraqitur turbullirë e ujit, duke bërë që cilësia e tij të jetë përkohësisht jashtë standardeve për konsum”, thuhet në njoftimin e K.R.U. “Gjakovës”.
Burimi:
Koha