Kryeministri izraelit, Benjamin Netanyahu, ka reaguar ashpër ndaj kryetarit të New Yorkut, Zohran Mamdani, duke e akuzuar atë për nxitje të përçarjeve mes komuniteteve. Netanyahu tha se do të udhëtojë në New York për Asamblenë e Përgjithshme të Kombeve të Bashkuara dhe deklaroi se nuk është i shqetësuar për kritikat apo reagimet që mund të përballet gjatë vizitës së tij.
“Mamdani po nxit urrejtje. Ai duhet të jetë kryetar i të gjithë njujorkezëve – hebrenjve, myslimanëve dhe të krishterëve. Ai po përpiqet ta kthejë një grup kundër tjetrit”, tha ai.
Mamdani: Netanyahun nuk do të mirëpritet në New York Kryeministri izraelit pretendoi gjithashtu se komuniteti hebre në New York ndihet i frikësuar dhe bëri akuza ndaj familjes së Mamdanit lidhur me sulmet e 7 tetorit në Izrael. “Gruaja dhe familja e Zohran Mamdanit kanë festuar masakrën e 7 tetorit”, deklaroi Netanyahu.
Këto deklarata vijnë në një kohë kur debati politik në New York është përqendruar te çështjet e Lindjes së Mesme, sigurisë dhe marrëdhënieve mes komuniteteve të ndryshme. Mamdani, i cili ka qëndrime kritike ndaj politikave të qeverisë izraelite, është bërë një figurë e debatueshme në politikën amerikane, veçanërisht për shkak të qëndrimeve mbi konfliktin izraelito-palestinez.