Skuadra e Bashkimit 1947 do ta nisë sezonin e ri në transfertë, ku do të përballet me ekipin e Sileksit në Kratovë, të dielën. Skuadra nga Kumanova u përball me vështirësi të ndryshme, duke filluar përgatitjet me vonesë, por kjo nuk e zvogëlon optimizmin e lojtarëve për një tjetër sezon të suksesshëm në elitën maqedonase. “Po e nisim këtë sezon kampionati me shumë entuziazëm.
Edhe pse u përballëm me probleme të caktuara dhe filluam përgatitjet me vonesë, jemi gati të japim maksimumin tonë”, tha Adis Murati. Sipas Muratit, Sileksi është një ekip fizikisht i fortë që dominon në fushën vendase. “Po përballemi me një kundërshtar jashtëzakonisht të fortë dhe fizikisht të përgatitur mirë.
Është gjithmonë e vështirë të luash në fushën e tyre, por ne e njohim mirë Sileksin, do të luftojmë për çdo top dhe do të përpiqemi t’i surprizojmë në Kratovë” , theksoi Murati. Adis Murati beson se Bashkimi ka një ekip të mirë dhe se mund të jetë befasi e këndshme. “Në KF Bashkimi 1947, nuk ka rëndësi kush luan, por sa japin për këtë fanellë.
Shpresojmë ta nisim sezonin me një rezultat pozitiv dhe, pse jo, të jemi surpriza e këtij raundi”, përfundoi Adis Murati. Ndeshja midis Sileksit dhe Bashkimit 1947 do të luhet në stadiumin e Kratovës, duke filluar nga ora .