Pas ndarjes tragjike nga jeta të 19-vjeçarit Dion Emerllahu nga fshati Ramjan i Vitisë, shoku i tij Edion Emerllahu ka bërë një dedikim prekës në Facebook, duke shprehur dhimbjen e madhe për humbjen e mikut të tij. Edioni ka shkruar se ende nuk arrin ta besojë që Dioni nuk është më mes tyre, duke kujtuar momentet e shumta që kishin kaluar së bashku dhe miqësinë e tyre ndër vite.
“Fjalët janë të pakta me përshkru humbjen tane. Hala spo muj me besu që ti nuk je ma me neve”, ka shkruar Edioni në postimin e tij. Ai ka kujtuar ditët e kaluara në klasë, bisedat, të qeshurat dhe shakatë që i kishin bërë së bashku, duke thënë se ato momente nuk do të harrohen kurrë.
Edioni ka treguar se edhe pse me kalimin e kohës ishin larguar nga përditshmëria e dikurshme, pasi Dioni ishte larguar jashtë vendit, kujtimet dhe shoqëria e tyre kishin mbetur gjithmonë të veçanta. “Ka njerëz që edhe kur largohen prej jetës tonde, gjithmonë mbesin afër zemrës. Ti ishe nja prej tyne”, ka shkruar ai.
Në dedikimin e tij, Edioni ka shprehur dhimbjen që Dioni u nda nga jeta shumë herët, pa arritur t’i realizonte planet dhe të përjetonte shumë momente që kishte para vetes. “Jam falënderues që e kom pas në jetë një shok si ti dhe fat që je kon pjesë e jetës tem”, ka shkruar ai.
Në fund, Edioni ka thënë se nuk po i thotë lamtumirë shokut të tij, pasi Dioni do të vazhdojë të jetojë përmes kujtimeve dhe tregimeve që do të mbesin për të. “U prehsh në paqe shoku jem. Faleminderit që je kanë pjesë e jetës tem e për shoqninë që ma ke dhon. Ki me m’mungu gjithmonë, Dion”, ka përfunduar dedikimin Edion Emerllahu.
Tragjedi në Itali: I riu mërgimtar humb jetën pas aksidentit, ditën kur do të mbushte 19 vjet – po vinte në vendlindje Sinjali – aty ku e vërteta flet para lajmit!