Futbollisti Erblin Osmani ka nënshkruar një zgjatje të parakohshme të kontratës me Bayern Munihun. Osmani iu bashkua akademisë së Bayernit në vitin 2017, pasi erdhi nga ekipi U9 i TSV Milbertshofen, dhe ka kaluar me sukses nëpër të gjitha grupmoshat e klubit. Ai luajti për ekipin U17, ndërsa sezonin e kaluar u promovua te U19.
Mesfushori 17-vjeçar bëri debutimin e tij në Allianz Arena në muajin mars, nën drejtimin e trajnerit Vincent Kompany, në fitoren 4–0 ndaj Union Berlin. Drejtori i akademisë, Jochen Sauer, vlerësoi zhvillimin e Osmanit si një talent i rritur në Mynih dhe shprehu besimin se ai ka një të ardhme të ndritur te klubi.
Osmani pritet të vazhdojë zhvillimin e tij me ekipin U19 gjatë sezonit të ardhshëm, ndërsa kontrata e tij e re do të shndërrohet automatikisht në kontratë profesionale sapo të mbushë 18 vjeç.