Selektori i Argjentinës, Lionel Scaloni, u “shkatërrua” nga humbja 1:0 ndaj Spanjës në finalen e Kampionatin e Botëror që u luajt të dielën. Në një konferencë për shtyp pas ndeshjes, ai shpërtheu në lot kur u pyet për të ardhmen e tij dhe nuk mundi ta përfundonte përgjigjen. Më pak se dy ditë më vonë, selektori është ende i tronditur nga humbja.
Më pak se 48 orë pas finales, Scaloni u largua nga kampi stërvitor i federatës argjentinase. Ai iu përgjigj shkurt pyetjeve të gazetarëve përmes dritares së makinës dhe komentoi për të ardhmen e tij si selektor i Argjentinës për gazetën “Mundo Deportivo”. “Duhet të rimendosh gjëra të tilla pas një turneu si ky. Jemi këtu deri në dhjetor.
Gjëja më e rëndësishme është që njerëzit e kanë kuptuar se ekipi dha gjithçka dhe se ekipi kombëtar tregoi unitet të madh” , tha Scaloni. Gazetarët e pyetën gjithashtu për ndëshkimin e mundshëm që përballet Argjentina për ngritjen e flamurit të Ishujve Falkland pas fitores 2:1 në gjysmëfinale ndaj Anglisë. ” Nuk di asgjë për këtë, nuk jam në dijeni të saj. Nuk e di nëse do të ndodhë.
Askush nuk na ka informuar për asgjë, ” u përgjigj ai. Pavarësisht humbjes, ai falënderoi tifozët për mbështetjen e tyre. “Pritja ishte mbresëlënëse dhe shumë e ngrohtë. Është mirë të festosh, megjithëse është e vështirë të pranosh që nuk fituam. Megjithatë, treguam dinjitet në humbje dhe mund të nxjerrim diçka pozitive prej saj,” tha ai.
Scaloni mohoi me forcë thashethemet për një konflikt në ekip pas finales. “Nuk kam idenë për çfarë po flisni, nuk përdor rrjetet sociale”, tha ai. “Nuk mund ta besoj që po më pyet mua”.