Një 45-vjeçar nga Rahoveci ka përfunduar në burg pasi u arrestua në Pikën Kufitare të Vërmicës, ku rezultonte i kërkuar me urdhër-arrest të Gjykatës, raporton Sinjali. Sinjali mëson ekskluzivisht se bëhet fjalë për Habib Sakip Shehun nga Rahoveci.
Sipas burimeve të Sinjalit, ai u ndal në orët e para të mëngjesit të 18 korrikut në Pikën Kufitare të Vërmicës, pasi gjatë verifikimeve policore rezultoi se ndaj tij ishte lëshuar urdhër-arrest për veprën penale “Kanosje”. Pas ndalimit, patrulla e Stacionit Policor në Rahovec e mori në dorëzim të kërkuarin dhe, rreth orës , e dërgoi në Qendrën Korrektuese në Smrekonicë.
Sipas burimeve të Sinjalit, ai do të vuajë 15 ditë burgim, në zbatim të urdhëresës së Gjykatës. Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata. Sinjali – aty ku e vërteta flet para lajmit!