Sharl Lëklerk vjen në Çmimin e Madh të Belgjikës me besim më të madh pas fitores në Silverston, por pranon se Ferrari ende duhet të tregojë vazhdimësi.“Ishte një kënaqësi e madhe të fitoja në Silverston, por gjithashtu një rezultat i papritur. Tani duhet të bëjmë mirë edhe në pista të tjera”, u shpreh piloti i Ferrarit.
Lëklerk beson se gara në Spa do të jetë një sfidë e vështirë dhe ia kalon presionin Mercedesit. “Në Spa Mercedesi është favorit. Kjo pistë u përshtatet më shumë atyre, ndërsa ne duhet të kuptojmë më mirë pse ishim më të shpejtë nga sa prisnim në Britani”, tha ai. Piloti nga Monako kujtoi edhe lidhjen e veçantë me pistën belge, cirkuit ku mori fitoren e parë në Formula 1.
“Të rikthehem këtu është speciale. Spa është një pistë që e duan të gjithë pilotët, por për mua ka edhe emocione të veçanta”, shtoi Lëklerk. 28-vjeçari foli edhe për cirkuitin e ri të Madridit, “Madring”, duke vlerësuar sidomos kthesën Monumental. “Ka potencial për t’u bërë ikonike. Në kualifikime do të duhet të jemi shumë të guximshëm dhe të jemi në limit”, përfundoi piloti i Ferrarit