Qeveria në detyrë e Kosovës në një mbledhje elektronike, më , ka miratuar disa vendime, përfshirë shpronësimet e disa pronave për interes publik në Komunën e Gjakovës si dhe ka bërë një ndryshim në përbërjen e një komisioni qeveritar.
Me këtë rast, Qeveria ka miratuar vendimin përfundimtar për shpronësim për interes publik të pronave të paluajtshme ish-shoqërore, të menaxhuara dhe administruara nga Agjencia Kosovare e Privatizimit (AKP), të nevojshme për realizimin e dy projekteve të Komunës së Gjakovës.
Sipas vendimit, shpronësimi do të mundësojë administrimin e objektit të ish-Bankosit për nevojat e administratës së Komunës së Gjakovës, në zonën e qytetit, si dhe ndërtimin e një fushe futbolli dhe hapësirave rekreative për fshatin Trakaniq dhe fshatrat përreth, në Zonën Kadastrale Trakaniq.
Po ashtu, Qeveria ka miratuar ndryshimin dhe plotësimin e Vendimit Nr. 11/08 të datës për emërimin e Komisionit për shqyrtimin dhe vendosjen e zyrtarizimit të gjendjes faktike dhe mospërputhjeve me Regjistrin e të Drejtave të Pronës së Paluajtshme.
Me këtë ndryshim, Besnike Mehmeti nga Zyra e Kryeministrit emërohet zëvendësuese e anëtarit të komisionit, duke zëvendësuar Ervina Gashin, po ashtu nga Zyra e Kryeministrit.