Përzgjedhësi i Argjentinës, Lionel Scaloni, ka ndërmarrë një lëvizje drastike përpara përballjes gjysmëfinale të Kupës së Botës kundër Anglisë, e cila do të zhvillohet të mërkurën në Atlanta. Scaloni dhe Argjentina janë vetëm një fitore larg arritjes së finales së dytë radhazi të Kupës së Botës, ndërsa synojnë t’i sigurojnë “La Albiceleste”-s yllin e katërt.
Kampionët në fuqi të botës kanë pasur nevojë për kohën shtesë për të kaluar dy ndeshje të fazës me eliminim direkt, ndaj Kepit të Gjelbër dhe Zvicrës. Një tjetër përmbysje dramatike erdhi ndaj Egjiptit në fazën e 1/8 së finales, kur shënuan tre gola brenda vetëm 13 minutash.
Tani i pret testi më i vështirë deri më tani, përballë Anglisë në stadiumin “Mercedes-Benz”, dhe duket se Scaloni po mendon të ndryshojë skemën e lojës për këtë sfidë. Argjentina është mbështetur kryesisht te momentet individuale të yllit të saj, Lionel Messi, golashënuesi më i mirë në historinë e Kupës së Botës.
Në moshën 39-vjeçare dhe në Kupën e tij të gjashtë të Botës, Messi ka shënuar tetë gola në atë që pritet të jetë turneu i tij i fundit. Edhe Enzo Fernandez dhe Julian Alvarez kanë qenë vendimtarë në momente të rëndësishme, por Argjentina nuk ka bindur me paraqitjet e saj.
Duke pasur këtë parasysh, mediumi argjentinas Diario Ole raporton se Scaloni pritet të bëjë ndryshime në formacionin titullar. Sipas raportimit, ai ka provuar dy skema të reja gjatë stërvitjeve dhe po shqyrton një qasje ndryshe për këtë ndeshje. Me një moshë mesatare prej 29 vjeç, skuadra e Argjentinës po i afrohet fundit të ciklit të saj.
Grupi aktual ka mungesë të theksuar të anësorëve ofensivë, gjë që e ka detyruar Scalonin të aktivizojë katër mesfushorë qendrorë: Enzo Fernandez, Rodrigo De Paul, Alexis Mac Allister dhe Leandro Paredes. Kjo katërshe punon pa u lodhur për t’i krijuar Messit lirinë që të shfaqet kudo në fushë për të ndikuar në lojë.
Legjenda e Barcelonës ka ecur në 47 për qind të distancës që ka përshkuar në Kupën e Botës, por asnjë lojtar tjetër nuk ka shënuar më shumë gola se ai.
Argjentina i bën një kërkesë të veçantë FIFA-s para ndeshjes me Anglinë Julian Alvarez dhe Lautaro Martinez kanë luajtur në sulm në skemën 4-4-2, por aktivizimi si titullar i Giuliano Simeones ose Thiago Almadas mund t’i japë ekipit një dimension tjetër. Nico Paz, Nico Gonzalez dhe Valentin Barco janë opsione të tjera që mund të përfshihen në formacion./ Telegrafi