Federata Evropiane e Hendbollit ka publikuar ekipin ideal të sezonit në konkurrencën e meshkujve për edicionin 2025/26, menjëherë pas përfundimit të sezonit evropian të klubeve. Në formacionin më të mirë dominojnë fituesi i Ligës së Kampionëve, Barcelona, me katër hendbollistë, si dhe finalisti Fuchse Berlin me tre përfaqësues.
Një lojtar vjen nga Magdeburgu, ndërsa kampioni evropian, Danimarka, ka katër përfaqësues në ekipin ideal. Përzgjedhja është bërë përmes votimit të katër grupeve: tifozëve, lojtarëve, trajnerëve dhe mediave, ku secila kategori ka pasur nga 25 për qind të ndikimit në rezultatin përfundimtar.
Ekipi i sezonit 2025/26, meshkujt: Portier: Emil Nielsen (Danimarkë / Barcelona) Krahu i majtë: Tim Freihöfer (Gjermani / Füchse Berlin) Mbrojtësi i majtë: Lasse Andersson (Danimarkë / Füchse Berlin) Organizator loje: Domen Makuc (Slloveni / Barcelona) Pivot: Magnus Saugstrup (Danimarkë / Magdeburg) Mbrojtësi i djathtë: Mathias Gidsel (Danimarkë / Füchse Berlin) Krahu i djathtë: Aleix Gómez (Spanjë / Barcelona) Mbrojtësi më i mirë: Ludovic Fabregas (Francë / Barcelona) Nga tetë hendbollistët e përzgjedhur, EHF-ja do të zgjedhë edhe lojtarin më të vlefshëm, MVP-në e sezonit.
Emri i MVP-së, si dhe çmimi për lojtarin më të mirë të ri të sezonit 2025/26, do të bëhen të ditur më 26 qershor, gjatë shortit për fazën e grupeve të Ligës së Kampionëve.