Presidenti Iranian, Masoud Pezeshkian ka deklaruar të martën se raketat e Iranit nuk janë pjesë e memorandumit të mirëkuptimit me Shtetet e Bashkuara të Amerikës. Ai ka thënë se një çështje e tillë as nuk do të diskutohet ndonjëherë.
“ Diskutimi mbi raketat tona nuk ekziston në Memorandumin e Mirëkuptimit dhe nuk do të ekzistojë kurrë,” , ka thënë Pezeshkian gjatë një konference për shtyp në Pakistan. Ai e ka mbrojtur programin raketor të Iranit si thelbësor për mbrojtjen kombëtare.
“ Nëse nuk do t’i kishim raketat që përdorim për mbrojtjen tonë, Izraeli dhe Shtetet e Bashkuara do ta kishin shkatërruar Iranin ,”, ka shtuar ai. Pezeshkian i ka bërë këto komente gjatë një vizite në Islamabad, ku ka zhvilluar bisedime me zyrtarë pakistanezë mbi lidhjet dypalëshe dhe zhvillimet rajonale.
Javën e kaluar, Shtetet e Bashkuara publikuan tekstin zyrtar të memorandumit të mirëkuptimit të arritur me Iranin.