Shpërndaje në: Të hënën është shënuar 40-vjetori nga goli i Diego Armando Maradonës, që njihet si “Dora e Zotit”. Goli i Maradonës që ia dha Argjentinës epërsinë 1:0 në atë ndeshje kundër Anglisë – por nuk duhej pranuar – është bërë pjesë e legjendës së futbollit.
Maradona kërceu sikur donte të godiste topin me kokë, por në vend të kësaj e goditi me grusht dhe e dërgoi prapa portierit anglez Peter Shilton. Maradona ishte tallur më pas se goli u shënua “pak me kokën e Maradonës dhe pak me dorën e Zotit”, duke çuar në emrin e tij ikonik. Maradona shënoi edhe golin e dytë që ishte i shkëlqyer kundër Anglisë vetëm katër minuta më vonë.
Ai vrapoi gati 70 metra nga gjysma e fushës së tij dhe kaloi gjysmën e ekipit të Anglisë përpara se të shënonte për ta dyfishuar rezultatin 0 2:0. Ky gol u votua si goli i shekullit i Kupës së Botës në vitin 2002. Argjentina fitoi ndeshjen 2:1 dhe në fund të turneut u shpall kampione e botës. Maradona vdiq në vitin 2020 në moshën 60-vjeçare.