Sporti i tenisit është ndër disiplinat më atraktive në botë dhe vazhdon të tërheqë miliona adhurues në Evropë. Në mesin e emrave të njohur që e duan këtë sport është edhe aktorja Diellza Kolgeci, e cila prej vitesh dëshmon pasionin e saj të madh për tenisin. E njohur për karrierën e saj si aktore, Diellza nuk e ka fshehur asnjëherë dashurinë për sportin.
Ajo ndjek me interes shumë disiplina sportive, ndërsa krahas tenisit pëlqen edhe skijimin, basketbollin dhe kick-boksin. Megjithatë, tenisi zë një vend të veçantë në zemrën e saj, pasi jo vetëm e ndjek me përkushtim, por edhe e luan rregullisht me pasion dhe përkushtim. Një nga të veçantat e saj në sport është organizimi i turneut tradicional VIP të tenisit.
Për plot 11 vjet me radhë, Diellza ka arritur ta mbajë këtë ngjarje në nivel të lartë, duke mbledhur figura të njohura nga sporti, politika, arti dhe jeta publike. Edicioni i fundit i turneut u organizua me sukses të madh, duke tërhequr vëmendjen e publikut dhe pjesëmarrjen e shumë personaliteteve.
Kjo dëshmon jo vetëm dashurinë e saj për tenisin, por edhe aftësitë organizative që e kanë bërë këtë aktivitet një nga ngjarjet më të veçanta sportive-shoqërore në vend. Diellza Kolgeci vazhdon të jetë një ambasadore e sportit dhe veçanërisht e tenisit në Kosovë. Pas 11 vitesh suksesi, ajo nuk mendon të ndalet.
Përkundrazi, ka plane ambicioze për të ardhmen, me synimin që turneu të ngrihet në një nivel edhe më të lartë dhe të sjellë diçka që do të befasojë jo vetëm Kosovën, por edhe më gjerë. Për Diellzën, tenisi nuk është thjesht një sport, është një pasion i jetës, pa të cilin vështirë se mund ta imagjinojë veten, ashtu si peshku pa ujë.