Një sulm të enjten në aeroportin dhe bazën ajrore ushtarake në kryeqytetin e Nigerit vrau 11 anëtarë të forcave të sigurisë dhe dy civilë, tha qeveria në një deklaratë, duke shtuar se u vranë gjithashtu 22 sulmues.
Banorët në vendin me shumicë myslimane thanë se sapo kishin mbaruar lutjet e mëngjesit kur shpërthime dhe krisma me armë zjarri u dëgjuan nga aeroporti ndërkombëtar Diori Hamani, i vendosur në kryeqytetin Niamey. Dhuna ishte qetësuar deri në mes të mëngjesit dhe forcat e sigurisë kanë nisur një kërkim për sulmuesit.
Nigeri ka luftuar një kryengritje islamike për një dekadë dhe në janar, një organizatë e lidhur me grupin e Shtetit Islamik mori përgjegjësinë për një sulm në të njëjtin aeroport . Asnjë grup nuk ka marrë përgjegjësinë për sulmin e së enjtes dhe qeveria ushtarake e Nigerit nuk ka komentuar.