Universiteti i Prishtinës ka njoftuar të gjithë kandidatët e interesuar për regjistrim në studimet Bachelor se është publikuar udhëzuesi për provimet pranuese.
Sipas njoftimit, Senati i Universitetit të Prishtinës ka miratuar udhëzuesin, i cili përmban informacione mbi organizimin e provimeve, përmbajtjen e tyre dhe modele të pyetjeve, në varësi të programit të studimit për të cilin aplikojnë kandidatët.
Universiteti ka bërë të ditur se udhëzuesi do të përditësohet çdo vit dhe synon t’i ndihmojë maturantët të përgatiten sa më mirë për procesin e pranimit. Kandidatët mund të konsultojnë udhëzuesin për të marrë informacionet përkatëse sipas programit të studimit që synojnë të ndjekin. Sinjali – aty ku e vërteta flet para lajmit!
Burimi:
sinjali.com