Një histori tronditëse dhe prekëse ka dalë nga tragjedia e shkaktuar nga tërmetet shkatërruese në Venezuelë, ku një nënë humbi jetën duke shpëtuar vajzën e saj të vogël gjatë shembjes së ndërtesës ku ndodheshin. Sipas mediave vendase, Andrea Bello, bashkëshortja e futbollistit Héctor Bello, sakrifikoi jetën për të mbrojtur fëmijën e tyre gjatë momentit të tërmetit.
Vajza e vogël arriti të mbijetojë falë ndërhyrjes së saj. Në një mesazh emocional të publikuar në rrjetet sociale, futbollisti venezuelian i kushtoi disa fjalë prekëse bashkëshortes së ndjerë. “Do t’i tregoj historinë se si e shpëtove dhe se si jetën tënde e dhe për vajzën tonë. Ishe një grua e guximshme që nuk e braktise kurrë, edhe kur more frymën e fundit”, shkroi ai.
Sipas deklaratave të tij, vajza e tyre dhe tezja e saj ndodhen në spital jashtë rrezikut për jetën, ndërsa ai po përballet me humbjen e bashkëshortes mes katastrofës që ka goditur vendin. Ndërkohë, ekipet e shpëtimit vijojnë kërkimet në zonat e prekura nga dy tërmetet e fuqishme që goditën veriun e Venezuelës.
Sipas autoriteteve, deri tani janë konfirmuar qindra viktima dhe mijëra të plagosur, ndërsa shumë persona rezultojnë ende të zhdukur.