Rike Roçi, ka ndarë së fundmi me ndjekësit e saj një anë krejtësisht ndryshe dhe mjaft vulnerabël të jetës së saj profesionale. Përmes një postimi në rrjetet sociale, ku shfaqet me lot në sy dhe pa filtra, ajo ka folur hapur për prapaskenat e industrisë ku ajo operon, duke treguar se suksesi nuk vjen aq lehtë sa duket nga jashtë.
Rike ka shpjeguar se bota e televizionit dhe e projekteve të mëdha mbart një peshë të rëndë që publiku rrallëherë arrin ta shikojë. Sipas saj, pas çdo arritjeje fshihet një punë e palodhur, organizim i vazhdueshëm dhe një presion i jashtëzakonshëm psikologjik. Ajo pranon se përtej shkëlqimit, i duhet të përballet çdo ditë me ankthin, lodhjen dhe me njerëz që presin dështimin e saj.
“Nga jashtë mund të duket gjithçka e lehtë, e bukur dhe e arritur pa shumë vështirësi, por realiteti pas çdo projekti është krejt tjetër,” shkruan Roçi. Foto: Instastory Duke zbuluar më shumë rreth angazhimeve të saj të fundit në fushën e kinematografisë, Rike ka theksuar se rolet si aktore dhe producente kërkojnë një disiplinë të hekurt dhe sakrifica të mëdha.
Ajo pranon se ka momente kur gjithçka i duket e papërballueshme, por gjen forcën për të ecur përpara pasi ky është rrugëtimi që ka zgjedhur me dëshirë. Në mbyllje të mesazhit të saj, Rike ka dhënë një leksion të rëndësishëm mbi kuptimin e vërtetë të suksesit.
Për të, suksesi nuk matet thjesht me produktin final që sheh publiku, por me aftësinë për të qëndruar në këmbë përballë kritikave dhe sfidave. Ajo e përfundon rrëfimin duke treguar se ndonjëherë, larg syrit të botës, ka nevojë të shkarkojë të gjithë tensionin e mbledhur, duke i qëndruar besnike motos së saj: “Gjithmonë e vërtetë”.