Shpërndaje në: Këngëtarja 41-vjeçare, Katy Perry ishte planifikuar të performonte në festivalin Werchter Boutique të shtunën mbrëma (), por ajo nuk arriti të ngjitej në skenë për shkak të shqetësimeve lidhur me motin dhe sigurinë e publikut, pasi pritej që stuhitë të godisnin zonën.
Duke njoftuar anulimin vetëm disa orë para koncertit, Katy Perry shkroi në Instagram se më e rëndësishme se performanca e saj, ishte siguria e të gjithë pjesëmarrësve. “Fatkeqësisht, seti im @WerchterBoutique sonte nuk mund të zhvillohet për shkak të një anulimi të urdhëruar nga autoritetet për shkak të motit të keq që po afrohet dhe shqetësimeve për sigurinë e turmës.
Isha në prapaskenë, në mes të përgatitjeve të flokëve dhe grimit kur mora këtë lajm, dhe nuk më lanë asnjë zgjedhje. Jam po aq e pakënaqur sa edhe ju. Fatkeqësisht, kjo është jashtë kontrollit tim. Por siguria e të gjithëve ju, 55.000 personave, është gjithmonë në radhë të parë. Më vjen keq që nuk mund ta ndryshoj motin dhe edhe më shumë më vjen keq që nuk mund të jemi bashkë sonte.
Prisja me padurim të kthehesha pas 17 vjetësh, madje kisha planifikuar të vishja të njëjtin veshje si në koncertin e vitit 2009. Ju dua të gjithëve dhe ju lutem kthehuni në shtëpi të sigurt”, ka shkruar ajo në Instagram.
Artistë të tjerë në program përfshinin Pitbull, Mika, Pommelien Thijs, James Arthur, Roxy Dekker dhe Emmy d’Arc, ndërsa Katy ndau gjithashtu një deklaratë të organizatorëve që konfirmonte se festivali do të përfundonte pas performancës së Pitbull-it.
“Pas konsultimeve me Komitetin e Sigurisë së Rock Werchter, ku janë të përfshira të gjitha autoritetet dhe organizatorët, është vendosur që Werchter Boutique të përfundojë në orën sonte. Ky vendim është marrë si përgjigje ndaj parashikimit të motit, i cili parashikon stuhi të forta nga mesnata e tutje. Guvernatori i Brabantit Flaman ka lëshuar gjithashtu një paralajmërim në këtë drejtim.
Festivali do të përfundojë pas performancës së Pitbullit. Koncerti i Katy Perryt nuk do të zhvillohet. Duke e mbyllur festivalin më herët, ne sigurojmë që dalja e vizitorëve të bëhet në mënyrë të sigurt dhe të rregullt, duke lejuar që të gjithë të kthehen në shtëpi të qetë. Siguria dhe shëndeti i të gjithë të pranishmëve janë gjithmonë prioriteti ynë kryesor”, thuhej në njoftim.