Komuna e Prishtinës ka njoftuar se një segment i rrugës “Fehmi Lladrovci” do të mbyllet përkohësisht për qarkullimin e automjeteve, për shkak të punimeve infrastrukturore që janë duke u zhvilluar në këtë zonë. Mbyllja përfshin pjesën e rrugës nga Rrethi i Flamurit deri te Rrethi i Spitalit dhe do të zgjasë nga mbrëmja e 13 korrikut, në orën , deri më 16 korrik, në të njëjtën orë.
Për të shmangur bllokimet në trafik, autoritetet komunale u kanë bërë thirrje drejtuesve të automjeteve të përdorin rrugët alternative të përcaktuara, ndërsa kanë njoftuar se në terren do të ketë sinjalizim të përkohshëm dhe personel për orientimin e qarkullimit.
Komuna ka bërë të ditur se lëvizja e këmbësorëve nuk do të ndërpritet gjatë zhvillimit të punimeve, ndërsa projekti synon përmirësimin e infrastrukturës rrugore dhe lehtësimin e qarkullimit në këtë pjesë të kryeqytetit pas përfundimit të investimeve. Sinjali – aty ku e vërteta flet para lajmit!