Komisionerja për Zgjerimin e Bashkimit Evropian, Marta Kos flet me optimizëm për ecurinë e Shqipërisë dhe Malit të Zi në procesin e anëtarësimit në BE, duke i cilësuar si ndër vendet më të avancuara në rrugën e integrimit europian.
Gjatë Konferencës për Rindërtimin e Ukrainës, të mbajtur në Poloni, Kos vlerësoi progresin e Shqipërisë, duke theksuar se vendi ndodhet në një fazë të avancuar të negociatave dhe është pranë mbylljes së kapitujve, një hap i rëndësishëm drejt përmbushjes së standardeve të BE.
Sipas saj, ritmi i reformave dhe angazhimi institucional mbeten elementë kyç për vijimin e suksesshëm të procesit të zgjerimit. Kurse kryeministri Edi Rama thotë se procesi i integrimit është i pakthyeshëm. ”Siç thoshte Churchill, nuk duhet humbur kurrë një krizë e mirë.
Besoj se ka gjëra nga të cilat duhet të mësojmë dhe për të cilat duhet të reflektojmë, por ndërkohë askush nuk mund ta ndalë rrugën e Shqipërisë drejt Bashkimit Evropian” , tha ai.